الحلقه الخامسه عشر.. 
بدأت تتوالى الايام الدراسيه التي ظهر فيها التفوق كالعاده لروضه ومحمد وبدأت علاقتهم تقوي اكثر فأكثر كل يوم عن الاخر الي ان انتهى العام الدراسي بتفوق محمد علي روضه فكان الاول علي دفعته تتبعه روضه في المركز الثاني وجمال في المركز الثالث
………………………………………………………………
في يوم حفلة التخرج كانت تظهر على الجميع ملامح الفرحه الشديده لتخرجهم من الجامعه
قدمت الجامعه في الحفل منحه دراسيه كامله لمحمد ليكمل دراسات عليا خارج مصر نظراً لتفوقه وحصولة على الشهاده بامتياز مع مرتبة الشرف الاول على دفعته وانتهت الحفله وسط فرح وسعاده تسود بين جميع الأصدقاء
………………………………………………………………
في مساء نفس اليوم
جمال : مبروووك المنحه ياعم الله يسهلك، هتسافر بره مصر بقى وتعيش وتنسانا
محمد : مش هسافر
جمال بزهول : مش هتسافر فين
محمد : المنحه
جمال : انت عبيط ياعم، و الفرصه دي كل الناس بتستناها وتجيلك انتا وعاوز ترفضها، اوعي ياصاحبي دالفرصه مبتجيش غير مره وحده في العمر
محمد : ربنا يسهل، المهم حددت فرحك ولا لسه
جمال : لا لسه والله في شويه كعبله كده بس هو هيكون الشهرين دول ان شاء الله، والبيه مش ناوي
محمد : لا انا لسه بدري الموضوع مش في دماغي دلوقتي اصلا
جمال : ربنا يهديك علي نفسك ويهديك عليا
محمد : ههههههههه شايفني مجنون ياعم
جمال : انت قربت تشلني
محمد : سلامتك من الشلل ياقلبي
جمال وهو يلوي شفتيه بغضب : الله يسلمك ياعم
………………………………………………………………
في قصر الحسيني
يدق جرس الباب
مضيفة المنزل تفتح الباب : اهلا تامر بيه اتفضل
دخل تامر الي القصر، عمي
والد روضه : اهلا تامر حبيبي
تامر : روضه فين
والد روضه : بتلبس في اوضتها
تامر بغضب : كل ده بتلبس دانا مكلمها بقالي ساعه
والد روضه : خليها تدلع عليك شويه
يقاطعهم نزول روضه من على السلم
تامر بسم الله ماشاء الله ايه الجمال ده
روضه بغضب طفولي : لا والله مش كان ليا اكتر من ساعه بلبس حضرتك
تامر : ايه ده انتي سمعاني
والد روضه : هههههههه اشرب
تامر : انا بهذر ياحبيبتي انتي تلبسي براحتك وانا استنى هنا
والد روضه : ههههههه الخوف نص المرجله
تامر : هههههههه مش كده ياعمي
روضه بغضب طفولي وهي تمد شفتيها للأمام : كده يابابا بتتريقو عليا
والد روضه بعد ان قبل رأسها : معاش ولا كان اللي يتريق عليكي ياحبيبتي
تامر : يلا بقى علشان اتأخرنا
روضه بفرح : انا جاهزه يلا بينا
والد روضه : خلي بالك منها ياتامر ومتتاخروش بره
تامر : من عنيا الاتنين ياعمي، ومن ثم امسك يد روضه وتوجه بها للخارج
………………………………………………………………
في السياره
تامر : انا هوديكي عند مصممة ازياء فرنسيه تحفه، هي اللي بتصمم فساتين الاميرات في فرنسا، نزلت مخصوص ياقلبي علشان تصمملك فستان فرحك
روضه بسعاده تملأ عينيها : بجد ياتامر
تامر وهو يتأمل فرحتها بحب : بجد ياقلب تامر
روضه : ربنا يخليك ليا
تامر : ويخليكي ليا ياقلبي
………………………………………………………………
فور وصول تامر وروضه الي مصممة الازياء، بدأت في اخذ مقاس الفستان الخاص بزفاف روضه بعد ان اختارت روضه تصميم الفستان من مجلة التصميم الخاصه بالمصممه، بعد ان انتهت المصممه من أخذ المقاسات
روضه : انا خلصت ياتامر
تامر : عجبتك الفساتين اللي في المجله
روضه : تحفه تحفه تحفه
تامر : مبسوطه
روضه : جدااا
تامر : طيب يلا بقى علشان نلحق نتعشى بره قبل منروح
روضه بعد ان علقت يدها في يديه : يلا بينا
فور وصول تامر وروضه الي المطعم، استقبلهم مدير الصاله : تامر بيه ترابيزة حضرتك جاهزه يافندم نورتنا
تامر بغرور : شكراً
بعد ان جلس تامر وروضه على الطاوله توجهت فتاة ذات ملابس خليعه تظهر اكثر مما تخفي نحو تامر
الفتاه : تيموو انا مش مصدقه عنيا، وحشتني اوي بقالي كتير مش عارفه اوصلك ثم اقتربت منه لتقبله فوضع تامر يده كحاجز أمامها ليمنعها، فوجهت نظرها لروضه ونظرت لها نظرة اذدراء ثم نظرت من جديد الي تامر هبقي اكلمك ياتيمو باي
في ذهول واضح يظهر على وجه روضه فقامت مسرعه من على الطاوله فمسك يدها تامر مسرعاً
تامر : اهدي وهفهمك على كل حاجه
روضه والدموع تسيل على خدها : مش محتاجه افهم اكتر من اللي شفتو بعنيا
تامر : طيب اسمعي مني واللي يحكم بيه قلبك انا راضي بيه
روضه وهي تنظر اليه : ……
تامر : دي كانت صديقه قديمه ليا عرفتها لما كانت هيا ووالدتها في ألمانيا قابلتها في عشاء عمل مع والدي بس ومفيش اي علاقه بينا اكتر من كده وانا مستعد احلفلك علشان تصدقيني
روضه : تقوم عاوزه تحضنك وتبوسك
تامر : انتي عشتي بره وعارفه ان مجتمعات بره فيها تحرر عن هنا، وانتي تعرفي تامر كويس ياروضه
روضه : امت برأسها معناها نعم
تامر بعد ان وضع يده على خدها ومسح دموع عينيها : يبقى تمسحي الدموع الجميله دي وبعدين دموعك دي تبقي دموع فرح ياشيخه حرام عليكي دانتي كنتي بتقيسي فستان فرحنا النهارده
ابتسمت روضه والدموع في عينيها
تامر : ايوه ياشيخه كده اضحكي هي دي روضه اللي انا عارفها
روضه : عارف لو عينك دي بصت على بنت غيري انا هخزقهالك
تامر : ههههههههههه لا ياستي متقلقيش انتي اللي في القلب وفي العين والنني كمان
روضه : امممم بحسب غير كده
تامر : ههههههه لا متحسبيش
روضه : ماشي يارخم
تامر : ياقلب الرخم من جوه
انتهت الليله وعاد الاثنين الي القصر
………………………………………………………………
في قصر الحسيني
والد روضه : اقعد اتعشى معانا يابني
تامر : لا ياعمي اتعشينا بره انا وروضه، بالف هنا
والد روضه : الله يهنيك يابني
تامر : هستاذن انا
والد روضه : اتفضل يابني
روضه : انا مبسوطه اوووووي يابابا
والد روضه : ربنا يسعدك دايما يابنتي، ها لقيتي الفستان حلو
روضه : تحفه يابابا، مكنتش عارفه اختار من كتر جمالهم
والد روضه بعد ان ضمها الي صدره : هتبقى احلى عروسه في الدنيا
روضه بعد ان احتضنت والدها بقوه: ربنا يخليك ليا يابابا
ثم رفعت وجهها من علي صدره مسرعه عملت اي يابابا في كروت الدعوه
والد روضه : اتطبعت ياحبيبتي وبكره نص الكروت هييجي هنا ونصها هيروح لبيت تامر، متقلقيش انتي من اي حاجه
روضه بعد ان احتضنته بقوه : ربنا ميحرمني من وجودك جمبي يابابا
والد روضه بعد ان قبل رأسها : ولا يحرمني منك يابنتي
………………………………………………………………
في صباح اليوم التالي استيقظت روضه من نومها مبتسمه وسعيده، نهضت من على فراشها متجهة الي الاسفل فوجدت والدها يجلس على الطاوله يتناول الفطور
روضه : صباح الفل ياسمسم
والد روضه : صباح الهنا ياحبيبتي، ايه مش من العاده يعني تصحى بدري كده
روضه : اصلي مبسوطه اووووى
والد روضه : ربنا يسعدك يابنتي، كروت الدعوه وصلت اهي
روضه بفرحه : ايه ده بجد بعد ان التقطت من يد والدها كرت من كروت الدعوه وفتحته وهي في كامل فرحتها، الله جميل اوي يابابا انا هفطر بقى علشان ابعت الكروت لاصحابي
والد روضه كان يتأمل فرحة ابنته وهو في غاية السعاده
………………………………………………………………
ارسلت روضه الدعوات بعناوين أصدقائها الي ان وصلت اول دعوه لمنزل محمد ف استلمها جمال
جمال : دعوة فرح روضه على تامر، محمد لو شافها هيتجنن ، طيب والعمل ايه دلوقتي، الفرح لسه قدامه 15 يوم انا مش هقولو اني استلمت الدعوه اصلا، وربنا يستر، وخبأ جمال الدعوه لكي لا يراها محمد
………………………………………………………………
في مساء نفس اليوم في منزل محمد يرن هاتفه
محمد : الو
ميرنا : قلبي
محمد : يسعد قلبك
ميرنا : عامل ايه
محمد : بخير الحمدلله، انتي طمنيني عليكي
ميرنا : انا تماااام، وصلتك الدعوه
محمد : دعوة ايه
ميرنا : دعوة فرح روضه وتامر، ايه ده مش معقول ما بعتتش لمحمد
محمد : لا ما وصلنيش زفت
ميرنا : مالك يامحمد في ايه
محمد : مفيش ياميرنا سلام دلوقتي
ميرنا : استنى بس……. أغلق محمد الهاتف
رن محمد علي روضه
روضه : ميدووو كنت لسه هرن عليك
محمد : ترني عليا لا والله
روضه : اه والله، في اي يامحمد
محمد : لا مفيش، مبروك
روضه : الله يبارك فيك ياميدو وصلتك الدعوه
محمد : انتي بعتيلي دعوه اصلا انا عرفت من ميرنا
روضه : ازاي يعني، انت اول واحد بعتله الدعوه
محمد : ما وصلتنيش حاجه بقلك، ثم سكت لوهله، ثم اكمل ميرعاً خلاص اقفلي ياروضه وهبقي اكلمك تاني
أغلق محمد الهاتف قبل أن يسمع رد روضه عليه ثم توجه مسرعا وهو في كامل غضبه الي غرفة جمال
فتح محمد الباب بغضب على جمال
محمد : جمال انت استلمت دعوة فرح روضه
جمال ينظر إلى محمد :……….
محمد بعد ان مسك جمال من مرفقيه : رد عليا بقلك
جمال : ايوه يامحمد
محمد بغضب : ومقلتليش ليه
جمال بعد ان رفع صوته : هقلك ايه يعني هااا قولي اقلك ايه، اقلك خد الدعوه بتاعة فرح اللي انت بتحبها انت مبتشوفش شكلك بيبقى عامل ازاي لما بتكون معانا ويرن بس عليها في التليفون، انا مش مستعد اشوفك حزين ولا زعلان
محمد بعد ان امسكه من لياقه ملابسه وجذبه اليه : ياخي كنت قلي عرفني، يعني محسسني اني مكنتش هعرف حتى لو مقلتليش
جمال بصوت مرتفع : محمااااااااد اهدي مش هيفيدك بحاجه اللي انت بتعمله ده
محمد بعد ان دفعه من صدره بعيد عنه : عندك حق معادش ينفع اي حاجه ثم تركه متوجهاً الي غرفته
ركض جمال خلفه : رايح فين، خد هنا بكلمك رد عليا
أغلق محمد باب غرفته في وجه جمال من الداخل
اخذ يطرق جمال على الباب افتح يا محمد الباب، واخذ يطرق عليه عدة طرقات ومحمد لا يجيب
جمال وهو يطرق الباب بقوه : يابني فووووق لنفسك بقى قلتلك البنت مش ليك من الاول وبعدين خلاص كلها ايام وتكون في بيت جوزها، فوق لنفسك بقى متوجعش قلبي معاك
فتح محمد باب الغرفه من الداخل وفي يده شنطه بها ملابسه
جمال : انت رايح فين
محمد : مسافر
جمال : مسافر فين
محمد : اكمل دراستي في بره
جمال : لا والله فجأه كده
محمد : ايوه
جمال : مش هسيبك تسافر وانت في الحاله دي
محمد بعد ان دفع جمال في صدره وخرج مسرعاً من باب الشقه
جمال : طيب استنى يلا هغير هدومي بسرعه واجي اوصلك
دخل جمال غرفته وبدل ملابسه ونزل مسرعاً امام المنزل فلم يجد لمحمد أثر ولا يعرف الي اين اتجه، رن علي هاتف محمد و محمد لا يجيب
جمال : رد بقى رد بقى الله يهديك
أصبح جمال يكرر الاتصال عدة مرات دون جدوى وظل امام المنزل الي شروق الشمس ينتظر عودة محمد أو أن يجيب على هاتفه، لكن دون فائده الي ان صعد جمال الي المنزل وهو في كامل قلقه على صديق عمره وتظهر على ملامح وجهه خيبه امل كبيره
………………………………………………………………
في صباح اليوم تستيقظ روضه من النوم وهي في كامل نشاطها فتمسك هاتفها وترن على ميرنا
ميرنا : الو
روضه : صباح الفل ياميرو
ميرنا : صباح الفل ياعروستي
روضه : حبيبتي
ميرنا : خير يا اخرة صبري
روضه : هههههه برضه كده ياميرو دانا بقول مليش غيرك
ميرنا : بهزر معاكي ياحبيبتي، ايه اللي مصحيكي بدري كده
روضه : فاضل اقل من 15 يوم على الفرح وفي حجات كتير نقصاني مجبتهاش، قومي افطري كده والبسي علشان ننزل نجيبها سوه
ميرنا : من عنيا ياحبيبتي خلصي انتي بس ورني عليا
روضه : ماشي ياميرو باي
ميرنا : باي
………………………………………………………………
في منزل جمال، يمسك جمال هاتفه ويرن على والد محمد
والد محمد : الو
جمال : ازيك ياعمي
والد محمد : بخير يابني الحمدلله، انت طمني عليك
جمال : انا تمام ياعمي الحمدلله، عمي هو محمد كلمك
والد محمد : اه كلمني امبارح من المطار لما انت كنت معاه وقالي ان الكليه بعتتله تذكره السفر فجأه حتى ملحقش يجي يسلم علينا
جمال : انا كنت معاه
والد محمد : ايوه يابني هو قال كده، في حاجه حصلت ولا ايه
جمال بارتباك : لالا ياعمي مفيش حاجه انا كنت بطمنك عليه بس
والد محمد : ربنا يبارك فيك يابني
جمال : تسلملي ياعمي، يلا معطلكش عن شغلك
والد محمد : ماشي يابني، سلام
جمال : سلام
جمال بعد ان أغلق الهاتف تنهد تنهيده كبيره فيها الكثير من التعب : ايه اللي بتعمله فيا وفي اهلك ده يامحمد، بقالنا اكتر من 16 سنه نعرف بعض ونفسي لحد دلوقتي اعرف دماغك دي بتفكر ازاي، يلا ربنا يهديك ويطمني عليك يارب، بجد هفتقدك وهتعب من غيرك قوي في حياتي، يلا امر الله، استودعك الله الذي لا تضيع ودائعه
………………………………………………………………
في مساء نفس اليوم
ميرنا موجهه كلامها لروضه : يابنتي حرام عليكي انا رجليا وجعتني من كتر المشي عليها وايديا كمان وجعتني من كتر الحجات اللي شايلاها، احنا من الصبح مقعدناش، انتي جايه تفتكري تجيبي كل حاجه النهارده، لسه قدامك كتير على الفرح نبقى ننزل بكره نكمل، انتي كل حاجه تقابلك عاوزه تجيبيها
روضه : ياحبيبتي معلش، انا ليا مين أقرب منك يتعبلي في يوم زي ده، وبعدين محدش هيطلع عينه معاكي غيري انا، وبعدين احنا خلصنا اصلا يلا بينا نركب العربيه، اركبي سوقي بينا انتي بقى، مع ان سواقتك نص كم وممكن تودينا في داهيه بس يلا معلش
ميرنا : انا سواقتي نص كم طيب اركبي بس وانا اوريكي
روضه : هههههههه ربنا يستر
ميرنا بغضب : جزمه، اركبي
روضه : هههههههه حاضر
ركب الاثنين الي السياره متوجهين الي منزل روضه
فجأه صرخت روضه بصوت مرتفع : اقفى على جمب بسرعه
فزعت ميرنا من صوت روضه ومن ثم أوقفت السياره : في ايه يابنتي خضيتيني
روضه وهي تنظر إلى الجهه المقابله من الشارع ودموعها تسيل على خدها : تامر
وجهت ميرنا نظرها الي حيث تنظر روضه فوجدت تامر ينزل من سيارته الخاصه وتنزل من الجهه المقابله الفتاه التي قابلت روضه وتامر بالمطعم وتلبس ملابس خليعه تظهر اكثر مما تخفي، ويمسك تامر بيدها ويصعد بالعماره التي تقف أمامها سيارته
ميرنا : اه هو تامر، ومين اللي معاه دي.؟
نزلت روضه مسرعه من سيارتها دون أن تجيب وتوجهت الي العماره التي دخل بها تامر منذ قليل
وقفت روضه امام العماره لتسأل بواب العماره
روضه : السلام عليكم ياعمي
البواب : وعليكم السلام يابنتي، اتفضلي
روضه : عمي هو تامر ساكن هنا
البواب : اه تامر بيه ليه شقه هنا بيجيلها كل ليله، سعات بيبات فيها وسعات بيمشي اخر الليل
روضه : طيب شقته الدور الكام
البواب : الدور التالت شقه رقم 6
روضه : شكرا، ثم توجهت مسرعه الي السلم وصعدت للشقه التي أخبرها عنها بواب العماره
طرقت روضه الباب الخاص بالشقه رقم 6
من داخل الشقه
تامر موجهاً كلامه للفتاه : دا اكيد الدليفري ياحبيبتي ثانيه وحده هجيب منه الاكل واجيلك في ثانيه عشان وحشاني موووت
الفتاه : ياقلبي انت واحشني اكتر، متتاخرش عليا بقى علشان بتوحشني وانت معايا
تامر : حاضر ياقلبي
فتح تامر الباب فوجد روضه أمامه ودموعها تسيل على خدها بعد ان وجدته عاري الصدر لا يلبس شئ في الجذء العلوي من جسده
تامر بخضه : روضه
الفتاه وهي تتقدم نحو تامر من الخلف وهي لا تلبس اي شئ تقريبا : مين ياتيمو
روضه بكاء شديد بعد ان رأت تامر خطيبها بذلك المنظر بدأت في الانصراف مسرعه من امامه
امسك تامر يد روضه : روضه استنى ابوس ايدك
وقفت روضه امامه ومن ثم خلعت خاتم الخطوبه الموجود بيدها ثم القته في وجهه : انت أقذر انسان شفته في حياتي، ثم انصرفت مسرعه من أمامه
وضع تامر يده على رأسه وهو يلوم نفسه بقسوه، انا ايه اللي عملته ده، انا كان لازم اتغير، انا كده خسرت روضه، انا مقدرش اعيش من غيرها انا بحبها
مسكت الفتاه يد تامر ثم تحدثت بغرور : احسن انها قلعت دبلتك دي متستاهلهاش اصلا، وبعدين سوري ياتامر اول مره يكون ذوقك بيئه قوي كده
رد عليها تامر بصفعه على وجهها جعلت الدم يسيل من فمها : اخرسي قطع لسانك، ثم امسكها من معصمها، اطلعي بره بيتي ياجربوعه، والقى بها خارج الشقه وأغلق الباب
وهي تصرخ لا ياتامر ايه اللي بتعمله ده دانا بحبك واصبحت تطرق الباب وهي تبكي : افتح ياتامر، افتح علشان خاطري دون أي اجابه من تامر كأنه لا يسمعها
………………………………………………………………
نزلت روضه مسرعه على درج السلم متوجهه الي سيارتها وهي منهاره من شدة البكاء
ميرنا نزلت من السياره مسرعه بعد رؤيتها بهذا الشكل : في ايه ياروضه بتبكي ليه كده، ايه اللي حصل
روضه ببكاء شديد : وديني لمحمد بسرعه
ميرنا : محمد في وقت متأخر ذي ده
روضه بغضب وصوت مرتفع : وديني لمحمد بقلك
ميرنا : حاضر حاضر اهدي بس وانا هوديكي مكان ما انتي عاوزه
توجهت ميرنا بالسياره نحو منزل محمد، بمجرد ان وقفت السياره نزلت منها روضه راكضه نحو منزل محمد
ميرنا : يابنتي استنى طيب انا جايه معاكي
روضه تركض ولا تجيب
صعدت روضه مسرعه سلم المنزل ووقفت امام شقة محمد وهي تطرق الباب وتضرب الجرس في ان واحد
جمال قام بفزع من شدة الطرقات المتتاليه مع صوت الجرس على الباب
جمال : خير اللهم اجعله خير، ايوااااا جاي مين اللي بيخبط كده ده
فتح جمال الباب إذ بروضه تدخل مسرعه وتدفع جمال وتتوجه مسرعه لغرفه محمد
روضه ببكاء شديد وهي تبحث عن محمد بلهفه في كل ارجاء الشقه وتردد : محمد فين محمد فين
جمال بدهشه : اهدي ياروضه في ايه، ومالك بتعيطي كده ليه، وايه اللي جابك في وقت متأخر ذي ده
قاطعه دخول ميرنا مسرعه الي الشقه
جمال بتعجب : ايه ده ميرنا كمان، في ايه ياميرنا وروضه بتبكي ليه كده
ميرنا مش عارفه والله في ايه، انا مش فاهمه حاجه
روضه بعد ان بحثت عن محمد في كل ارجاء الغرفه ولم تجده توجهت نحو جمال وهي تبكي بكاء هستيري وامسكت يديه بين يديها
روضه ببكاء شديد : جمال محمد فين ابوس ايدك رد عليا
جمال : محمد سافر امبارح
روضه بلهفه : سافر فين، وسافر من غيرما يقولي
جمال : هو سافر بسببك اصلا
روضه بذهول : بسببي انا
جمال ايوه ياروضه بسببك انتي، محمد لما شاف دعوة فرحك اتجنن وسافر فورا حتى من غير ميروح يسلم على اهله
روضه ببكاء شديد : طيب ليه
جمال بغضب : انتي كل ده مفهمتيش، محمد بيحبك ياروضه بيحبك، انتي الوحيده اللي محمد حبها، محمد حاول قبل كده يقولك بس مقدرش لانه اول مفكر يقولك كان هيفاجئك في الحفله اللي عملها والدك بس والدك الله يسامحه كسر قلبه وسبقه بخبر خطوبتك من تامر
روضه شردت في الماضي
فلاش باك
روضه : تامر بيحبني ومش ممكن يخوني
محمد بغضب : تامر لو كان بيحبك مكانش بقى سكري وبتاع نسوان
روضه صفعت محمد علي وجهه : أخرس قطع لسانك، انا مش ممكن اسمحلك تتكلم كده عن تامر
محمد ويده على خده : بتضربيني انا علشانه، وانا اللي بقلك كده وبكشفلك حقيقته علشان اناااااا…..
روضه : انتا ايه
محمد : انا ولا حاجه، ثم انصرف مسرعاً من امامها
عوده الي الوقت الحالي
استفاقت روضه من شرودها على صوت جمال وهو يناديها باسمها : روضاااااااااا
روضه ببكاء شديد يصل إلى حد الانهيار : ليه مقالهاش وقتها، لييييه، ليه مقالش انو بيحبني، وانا ازاي محسيتش بحبه ليا من اهتمامه الزايد بيا، ليه سابني في اكتر وقت محتاجاله فيه، انا ماقدرش اتخيل حياتي من غيره، انا عاوزه محمد ياجمال، عاوزه اوصله بترجاااك بترجاااك انا محتاجاله قووووووي……..
لم تكمل روضه كلامها الي ان سقطت مغمي عليها
جمال بصوت مرتفع : روضااااااااا
